Германската фудбалска федерација објави дека Германското државно обвинителство,повторно преку судот во Бохум...
покрена нова истрага за наместени натпревари во Германија.Постои сомневање за натпреварот од втората Бундеслига помеѓу Минхен 1860 и Ален(0:1) игран на 8 февруари оваа година во Минхен.Пред натпреварот не се забележани никакви абнормалности во обложувалниците низ светот и затоа досега не беше запален алармот.
Сепак,по самиот натпревар и завршниот резултат агенцијата Спортрадар,задолжена од ФИФА за надзор на сомнителните фудбалски резултати,како и обложувањето пред натпреварите,воспоставила комуникација со УЕФА за споменатиот двобој и за сомневањето за чесна борба на теренот по што биле известени и Германската фудбалска федерација и Германската фудбалска лига.
Тоа е нов скандал кој го тресе германскиот фудбал по покренувањето на истражниот процес за обложувачкиот скандал минатата година,кој од Германија се прошири во цела Европа,како и скандалот со хомосексуалното злоставување од страна на еден од шефовите на бундеслигашкото Здружение на судии,Манфред Амерел.
Да потсетиме дека екипата на Минхен 1860 веќе е под истрага за лажирање по поразот на домашен терен од Оберхаузен(1:0) на 6 декември.
